سورہ حجر آیت 41 پر تفسیر عثمانی

یعنی بیشک بندگی اور اخلاص کی راہ سیدھی میرے تک پہنچتی ہے اور یہ ہی میرا صاف اور سیدھا راستہ ہے جس میں کوئی ہیر پھیر نہیں کہ جو بندے عبودیت و اخلاص کی راہ اختیار کریں گے وہ ہی شیطان لعین کےتسلط سے مامون رہیں گے اور جو ملعون کی پیروی کریں گے اس کے ہمراہ دوزخ میں جائیں گے ۔ بعض مفسرین نے ہٰذَا صِرَاطٌ عَلَیَّ مُسۡتَقِیۡمٌ کو تہدید پر حمل کیا ہے ۔ یعنی او ملعون! لوگوں کو صراط مستقیم سے گمراہ کر کے کہاں بھاگے گا وہ کونسا راستہ ہے جو ہماری طرف نہ جاتا ہو۔ پھر ہماری سزا سے بچ کر کدھر جا سکتا ہے اس وقت کلام ایسا ہو گا جیسے کہتے ہیں اِفْعَلْ مَاشِئْتَ فَطَرِیْقُکَ عَلَیّ اور قرآن میں دوسری جگہ فرمایا اِنَّ رَبَّکَ لَبِالۡمِرۡصَادِ (الفجر۔۱۴) واللہ اعلم۔