سورہ ذاریات، آیت 22

تفسیر عثمانی

شیخ الاسلام مولانا شبیر احمد عثمانی

یعنی سائلوں اور محتاجوں پر خرچ کرنے سے اس لئے نہیں ڈرنا چاہیئے کہ خرچ کرکے ہم کہاں سے کھائیں گے۔ اور نہ خرچ کرکے ان مساکین پر احسان جتلائے کیونکہ تمہاری سب کی روزی اور اجروثواب کے جو وعدے کئے گئے ہیں آسمان والے کے ہاتھ میں ہیں۔ ہر ایک کی روزی پہنچ کر رہے گی کسی کے روکے نہیں رک سکتی۔ اور خرچ کرنے والوں کو ثواب بھی مل کررہیگا۔ حضرت شاہ صاحبؒ لکھتے ہیں " آنیوالی جو بات ہے اس کا حکم آسمان ہی سے اترتا ہے"۔