سورہ اعراف آیت 122 پر تفسیر عثمانی

عصائے موسٰی علیہ السلام کا معجزہ

چونکہ فرعون بھی اپنی نسبت اَنَا رَبُّکُمُ الۡاَعۡلٰی (النازعات۔۲۴) کہتا تھا، شاید اس لئے رَبِّ الْعٰلَمِیْنَ کے ساتھ رَبِّ مُوْسٰی وَ ھٰرُوْنَ کہنے کی ضرورت ہوئی اس میں یہ بھی اشارہ ہو گیا کہ بیشک جہان کا پروردگار وہ ہی ہو سکتا ہے جس نے موسیٰ و ہارون کو اپنی خاص ربوبیت سے بدون توسط اسباب ظاہرہ دنیا کے متکبروں پر علی رؤس الاشہاد اس طرح غالب کر کے دکھلا دیا۔