اللہ کے نزدیک مومنین کا مرتبہ
یعنی اس میں تعجب کی کیا بات ہے کہ انسانوں کی اصلاح و ہدیات کے لئے حق تعالیٰ ایک انسان ہی کو مامور فرما دے اور اس کی طرف وہ پیغام بھیجے جس کی دوسروں کو بلاواسطہ خبر نہ ہو وہ تمام لوگوں کو خدا کی نافرمانی کے مہلک نتائج و عواقب سے آگاہ کرے ۔ اور خدا کی بات ماننے والوں کو بشارت پہنچائے کہ رب العزت کے یہاں اعمال صالح کی بدولت ان کا مرتبہ کتنا اونچا اور کیسا بلند پایہ ہے ۔ اور کیسی سعادت و فلاح ازل سے ان کے لئے لکھی جا چکی ہے۔
یعنی وحی قرآنی کو فوق العادت مؤثر و بلیغ ہونے کی وجہ سے جادو ، اور اس کے لانے والے کو جادوگر کہتے ہیں۔