حق کی نشانی کا مطالبہ
یعنی جن نشانیوں کی وہ فرمائش کرتے تھے ، ان میں سےکوئی نشانی کیوں نہ اتری جواب کا حاصل یہ ہے کہ صداقت کے نشان پہلے بہتیرے دیکھ چکے ہو۔ فرمائشی نشان دکھلانا ضروری نہیں نہ چنداں مفید ہے۔ آئندہ جو خدا کی مصلحت ہو گی وہ نشان دکھلائے گا۔ اس کا علم خدا ہی کو ہے کہ مستقبل میں کس شان او رنوعیت کے نشان ظاہر کرے گا۔ سو تم منتظر رہو ، ہم بھی انتظار کرتے ہیں۔ ''موضح القرآن'' میں ہے یعنی اگر کہیں کہ ہم کاہے سے جانیں کہ تمہاری بات سچ ہے ، فرمایا کہ آگے دیکھیو حق تعالیٰ اس دین کو روشن کرے گا اور مخالفت ذلیل ہوں گے۔برباد ہو جائیں گے سو ویسا ہی ہوا ۔ سچ کی نشانی ایک بار کافی ہے اور ہر بار مخالف ذلیل ہوں تو فیصلہ ہو جائے ۔ حالانکہ فیصلہ کا دن دنیا میں نہیں۔