بادشاہ کے سامنے حضرت یوسف علیہ السلام کا تذکرہ
اب خواب کے سلسلہ میں ساقی کو جو قید سےچھوٹ کر آیا تھا مدت کے بعد حضرت یوسفؑ یاد آئے اس نے بادشاہ اور اہل دربار سے کہا کہ اگر مجھے ذرا جانے کی اجازت دو تو میں اس خواب کی تعبیر لا سکتا ہوں۔ قید خانہ میں ایک مقدس بزرگ فرشتہ صورت موجود ہے جو فن تعبیر کا ماہر ہے (ممکن ہے اس نے اپنے خواب کا قصہ بھی ذکر کیا ہو) میں تعبیر لینے کے لئے اس کی خدمت میں حاضر ہوتا ہوں ۔ چنانچہ اجازت دی گئ۔ اس نے یوسفؑ کی خدمت میں حاضر ہو کر وہ عرض کیا جو آگے آتا ہے۔