سورہ حجر آیت 4 پر تفسیر عثمانی

ہر قوم کی ہلاکت کا وقت معین ہے

یعنی جس قدر بستیاں اور قومیں پہلے ہلاک کی گئیں ، خدا کے علم میں ہر ایک کی ہلاکت کا ایک وقت معین تھا۔ جس میں نہ بھول چوک ہو سکتی تھی نہ غفلت اور نہ خدا کا وعدہ ٹل سکتا تھا۔ جب کسی قوم کی معیاد پوری ہوئی اور تعذیب کا وقت آ پہنچا ، ایک دم میں غارت کر دی گئ۔ موجودہ کفار بھی امہال و تاخیر عذاب پر مغرور نہ ہوں ۔ جب ان کا وقت آئے گا خدائی سزا سے نہ بچ سکیں گے ۔ جو تاخیر کی جارہی ہے اس میں خدا کی بہت حکمتیں ہیں۔ مثلاً ان میں سے بعض کا یا بعض کی اولاد کا ایمان لانا مقدر ہے۔ فوری عذاب کی صورت میں اس کے وقوع کی کوئی صورت نہیں۔