سورہ حجر آیت 67 پر تفسیر عثمانی

یعنی جب سنا کہ لوطؑ کے یہاں بڑے حسین و جمیل لڑکے مہمان ہیں تو اپنی عادت بد کی وجہ سے بڑے خوش ہوئے اور دوڑتے ہوئے ان کے مکان پر آئے اور لوطؑ سے مطالبہ کیا کہ انہیں ہمارے حوالہ کر دو ۔ (تنبیہ) وَ جَآءَ اَہۡلُ الۡمَدِیۡنَۃِ الخ میں "واو" مطلق جمع کے لئے ہیں ، یہاں ترتیب واقعات بیان میں ملحوظ نہیں ۔ سورہ ہود اور اعراف میں یہ قصہ گذر چکا ہے اسے دیکھ لیا جائے اور وہاں کے فوائد ملاحظہ کئے جائیں۔