حضرت لوط علیہ السلام کی نصیحت
یعنی بیشک تم نے مجھ کو اجنبی لوگوں کی حمایت سے روکا ۔ لیکن میں پوچھتا ہوں آخر اس روکنے کا منشاء کیا ہے ؟ یہ ہی نہ کہ میں تمہاری خلاف فطرت شہوت رانی کے راستہ میں حائل ہوتا ہوں۔ تو خود غور کرو کیا قضائے شہوت کےحلال مواقع تمہارے سامنے موجود نہیں جو ایسی بیہودہ حرامکاری کے مرتکب ہوتے ہو ؟ یہ تمہاری بیویاں (جو میری بیٹیوں کے برابر ہیں) تمہارے گھروں میں موجود ہیں ، اگر تم میرےکہنے کے موافق عمل کرو اور قضائے شہوت کے مشروع و معقول طریقہ پر چلو ، تو حاجت برابری کےلئے وہ کافی ہیں۔ یہ کیا آفت ہے کہ حلال اور ستھری چیز کو چھوڑ کر حرام کی گندگی میں ملوث ہوتے ہو۔