سورہ نحل آیت 80 پر تفسیر عثمانی

یعنی اینٹ ، پتھر ، لکڑی وغیرہ کے مکان۔

اللہ نے تمہارے مسکن بنائے

یعنی اینٹ ، پتھر کے مکانوں کو کہیں منتقل نہیں کر سکتے تھے ، اس لئے چمڑے اور اون وغیرہ کے ڈیرے خیمے بنانے سکھا دیے جو بسہولت منتقل کئے جا سکتے ہیں۔ سفر و حضر میں جہاں چاہو نصب کر لو اور جب چاہو لپیٹ کر رکھ دو۔ بعض نے یَوۡمَ ظَعۡنِکُمۡ وَ یَوۡمَ اِقَامَتِکُمۡ کا یہ مطلب لیا ہے کہ چلنے کے وقت اٹھانے میں اور کسی جگہ اترتے وقت نصب کرنے میں ہلکے رہتے ہیں۔

یعنی اونٹ کی پشم سے۔

مختلف انعامات

یعنی ان چیزوں سےکتنے سامان رہائش اور آسائش کے تیار کئے جاتے ہیں جو ایک وقت معین یا مدت دراز تک کام دیتےہیں ۔ اگر خدا تعالیٰ آنکھ ، کان اور ترقی کرنے والا دل و دماغ نہ دیتا ، کیا یہ سامان میسر آ سکتے تھے۔