معذب قوموں کی ہلاکت
آدمؑ و نوحؑ کے درمیانی زمانہ میں سب آدمی اسلام پر رہے ۔ پھر شرک و بت پرستی شروع ہوئی ۔ نوحؑ ان کی اصلاح کے لئے بھیجے گئے ۔ سینکڑوں برس سمجھایا ، نہ مانے ، آخر سب ہلاک کئے گئے ۔ اس کے بعد بہت سی قومیں (عاد و ثمود وغیرہ) تباہ ہوئیں۔ حاصل یہ کہ قوموں کے ہلاک کئے جانے کا سلسلہ بعثت نوح کے بعد سے شروع ہوا۔
یعنی کسی کو بے قصور نہیں پکڑتا نہ غیر مناسب سزا دیتا ہے ۔ بلکہ ہر ایک کے گناہوں کو دیکھ کر اور اس کے اوضاع و اطوار کو پوری طرح جان کر موزوں و مناسب برتاؤ کرتا ہے۔