سورہ اعراف، آیت 109

تفسیر عثمانی

شیخ الاسلام مولانا شبیر احمد عثمانی

معلوم ہوتا ہے کہ فرعون نے موسٰیؑ کے معجزات سے ہیبت زدہ ہو کر پبلک کو جمع کیا اور پہلے اس نے بذات خود (کما فی الشعراء) پھر اس کی طرف سے بڑے بڑے لیڈروں نے اس رائے کا اظہار کیا کہ موسٰیؑ (معاذ اللہ) کوئی بڑے ماہر جادوگر معلوم ہوتے ہیں۔ کیونکہ جو خوارق موسٰیؑ سے ظاہر ہوئے ان کی حسیات کے موافق جادو سے بہتر انکی کوئی توجیہ نہ ہو سکتی تھی۔