سورہ اعراف آیت 19 پر تفسیر عثمانی

آدم علیہ السلام و حوا علیہ السلام اور شجر ممنوعہ

آدمؑ و حواؑ کو اجازت تھی کہ بلا روک ٹوک جو چاہیں کھائیں پئیں۔ بجز ایک معین درخت کے جس کا کھانا ان کی بہشتی زندگی اور استعداد کے مناسب نہ تھا، اسے فرما دیا کہ اس کے پاس نہ جاؤ ورنہ نقصان اٹھاؤ گے۔ میرے نزدیک یہاںفَتَکُوْنَا مِنَ الظّٰلِمِیْنَ کا ترجمہ اگر یوں کیا جاتا تو زیادہ موزوں ہوتا "پھر ہو جاؤ گے تم نقصان اٹھانے والوں میں سے" ظلم کے معنی نقصان اور کمی و کوتاہی کے آتےہیں جیسا کہ وَ لَمۡ تَظۡلِمۡ مِّنۡہُ شَیۡئًا (کہف۔۲۳) میں۔