سورہ توبہ آیت 59 پر تفسیر عثمانی

آنحضرت صلی اللہ علیہ وسلم پر منافقین کا طعن

یعنی بہترین طریقہ یہ ہے کہ جو کچھ خدا پیغمبر کےہاتھ سے دلوائے اس پر آدمی راضی و قانع ہو اور صرف خدا پر توکل کرے او رسمجھے کہ وہ چاہے گا تو آئندہ اپنے فضل سے بہت کچھ مرحمت فرمائے گا ۔ غرض دنیا کی متاع فانی کو نصب العین نہ بنائے۔ صرف خداوند رب العزت کے قرب و رضا کا طالب ہو اور جو ظاہری و باطنی دولت خدا و رسول کی سرکار سے ملے اسی پر مسرور و مطمئن ہو۔