سورہ ہود آیت 77 پر تفسیر عثمانی

فرشتوں کا حضرت لوط علیہ السلام کے پاس آنا

فرشتے نہایت حسین و جمیل بے ریش و بروت نوجوانوں کی شکل میں تھے ۔ ابتداءً حضرت لوطؑ نے نہ پہچانا کہ فرشتے ہیں ۔ معمولی مہمان سمجھے۔ ادھر اس قوم کی بے حیائی اور خوئے بد معلوم تھی۔ سخت فکر مند اور تنگ دل ہوئےکہ یہ بدمعاش ان مہمانوں کا پیچھا کریں گے۔ مہمانوں کو چھوڑنا بھی مشکل اور ان خبیثوں کے ہاتھوں سے چھڑانا بھی دشوار ، گویا ساری قوم سے لڑائی مول لینا ہے۔