والدین کے لئے دعا
یعنی جب میں بالکل کمزور و ناتواں تھا انہوں نے میری تربیت میں خون پسینہ ایک کر دیا۔ اپنے خیال کے موافق میرے لئے ہر ایک راحت و خوبی کی فکر کی ۔ ہزارہا آفات و حوادث سے بچانے کی کوشش کرتے رہے ۔ بارہا میری خاطر اپنی جان جوکھوں میں ڈالی ، آج ان کی ضعیفی کا وقت آیا ہے ، جو کچھ میری قدرت میں ہے ان کی خدمت و تعظیم کرتا ہوں ،لیکن پورا حق ادا نہیں کر سکتا۔ اس لئے تجھ سے درخواست کرتا ہوں کہ اس بڑھاپے میں اور موت کے بعد ان پر نظر رحمت فرما۔