معجزات دیکھ کر بھی انکار
یعنی جب وقتًا فوقتًا ان کی آنکھیں کھولنے کے لئے وہ نشانیاں دکھلائی گئیں تو کہنے لگے کہ یہ سب جادو ہے حالانکہ ان کے دلوں میں یقین تھا کہ موسٰیؑ سچے ہیں اور جو نشان دکھلا رہے ہیں یقینًا خدائی نشان ہیں۔ جادو، شعبدہ اور نظر بندی نہیں ۔ مگر محض بے انصافی اور غرور و تکبر سے جان بوجھ کر اپنے ضمیر کے خلاف حق کی تکذیب اور سچائی کا انکار کر رہے تھے۔ پھر کیا ہوا، چند روز بعد پتہ لگ گیا کہ ایسے ہٹ دھرم مفسدوں کا انجام کیسا ہوتا ہے۔ سب کو بحر قلزم کی موجوں نے کھا لیا،کسی کو گوروکفن بھی نصیب نہ ہوا۔