سورہ نساء آیت 61 پر تفسیر عثمانی

آنحضرت صلی اللہ علیہ وسلم کو منصف بنانے میں منافقین کی روگردانی

یعنی جب کسی جھگڑے میں منافقوں سےکہا جائے کہ اللہ نےجو حکم نازل فرمایا ہے اس کی طرف آؤ اور اس کے رسول کے روبرو اپنے جھگڑے کو لاؤ تو ظاہر میں چونکہ مدعی اسلام ہیں اس لئے صاف طور پر تو انکار کر نہیں سکتے مگر آپ کے پاس آنے سے اور حکم الہٰی پر چلنے سے بچتے ہیں اور رکتے ہیں کہ کسی ترکیب سے جان بچ جائے اور رسول کو چھوڑ کر جہاں ہمارا جی چاہے اپنا جھگڑا لے جائیں۔