سورہ تحریم، آیت 2

تفسیر عثمانی

شیخ الاسلام مولانا شبیر احمد عثمانی

یعنی اس مالک نے اپنے علم و حکمت سے تمہارے لئے مناسب احکام و ہدایات بھیجے ہیں جن میں سے ایک یہ ہے کہ اگر کوئی شخص نامناسب چیز پر قسم کھا لے تو کفارہ دیکر (جس کا ذکر سورۃ مائدہ میں آچکا) اپنی قسم کھول سکتا ہے۔ حضرت شاہ صاحبؒ لکھتے ہیں "اب جو کوئی اپنے مال کو کہے یہ مجھ پر حرام ہے تو قسم ہو گئ۔ کفارہ دے، تو اس کو کام میں لائے،کھانا ہو یا کپڑا یا لونڈی" (وہذا ماعلیہ الحنفیہ)۔