سورہ ملک، آیت 4

تفسیر عثمانی

شیخ الاسلام مولانا شبیر احمد عثمانی

یعنی ممکن ہے ایک آدھ مرتبہ دیکھنے میں نگاہ خطا کر جائے، اس لئے پوری کوشش سے باربار دیکھ، کہیں کوئی رخنہ دکھائی نہیں دیتا خوب غوروفکر اور نظر کر کہ قدرت کے انتظام میں کہیں انگلی رکھنے کی جگہ تو نہیں۔ یاد رکھ! تیری نگاہ تھک جائیگی اور ذلیل ودرماندہ ہو کر واپس آ جائیگی۔ لیکن خدائی مصنوعات و انتظامات میں کوئی عیب و قصور نہ نکال سکے گی۔